10 ივლისს დიპლომატიურმა ინსტიტუტმა ჯორჯიის უნივერსიტეტის სტუდენტებს უმასპინძლა. შეხვედრა დიპლომატიური ინსტიტუტის დირექტორის, ირინა დახუნდარიძის მისასალმებელი სიტყვით გაიხსნა. 

4 ივლისს დიპლომატიური ინსტიტუტის მკვლევარმა, ელჩმა ზურაბ დვალიშვილმა, სომხეთის დიპლომატიური სკოლის მოწვევით, ქ. ერევანში, წაიკითხა ლექცია პროგრამის - „სამხრეთ კავკასია: რეალიები, გამოწვევები და პერსპექტივები“ - ფარგლებში. პროგრამა განკუთვნილი იყო დიპლომატებისთვის ლათინური ამერიკისა და აფრიკის ქვეყნებიდან.

“როგორ შეიძლება კულტურის პოპულარიზაციამ ხელი შეუწყოს ეფექტურ დიპლომატიურ საქმიანობას" - ამ შეკითხვაზე იყო ფოკუსირებული კულტურული დიპლომატიის ვორკშოპი, რომელიც 4 ივლისს, დამწყები დიპლომატების პროგრამის ფარგლებში, ჩატარდა დიპლომატიურ ინსტიტუტში.

3 ივლისს დიპლომატების პროგრამის მონაწილეებს ავსტრალიის თანამეგობრობაში საქართველოს საგანგებო და სრულუფლებიანი ელჩი, ბექა დვალი შეხვდა და საკუთარი მრავალწლიანი დიპლომატიური გამოცდილება გაუზიარა.

3 ივლისს, დამწყები დიპლომატების პროგრამის ფარგლებში, ჩატარდა ვორკშოპი, რომელიც დაეთმო პროგრამის შეფასების მეთოდის - პროფესიული პორტფოლიოს ცალკეული კომპონენტების განხილვას და მათ მომზადებასთან დაკავშირებით პრაქტიკული სავარჯიშოების შესრულებას.

1 ივლისს, საგარეო საქმეთა მინისტრის მოადგილემ, ხათუნა თოთლაძემ, დამწყები დიპლომატების პროგრამის მონაწილეებისთვის ლექცია წაიკითხა.

26 და 28 ივნისს დამწყები დიპლომატების პროგრამის მონაწილეებისთვის ჩატარდა დიპლომატიური პროტოკოლისა და ეტიკეტის ვორკშოპი.

18-24 ივნისს, დამწყები დიპლომატების პროგრამის ფარგლებში, ჩატარდა ტრენინგი თემაზე ,,მოლაპარაკებების ხელოვნება“, რომელსაც უძღვებოდა ტარიელ სიხარულიძე, ტრენერი, მედიატორი და სერტიფიცირებული ქოუჩი, ილიას სახელმწიფო უნივერსიტეტის პროფესორი.

10, 12 და 14 ივნისს, დამწყები დიპლომატების პროგრამის ფარგლებში, პრეზენტაციის და საჯარო გამოსვლის ვორკშოპი ჩატარდა, რომელსაც კომუნიკაციების სპეციალისტი, ნატა ასათიანი უძღვებოდა.